A chefi pagine, kel es finnim

Hesperum: Men reformes por novial

Men nome es Tom Kärnä. Hir es men kelki reformes por novial:




Li foneme J bli omnitem pronuntia kom Y de klasi novial.

Y bli substitu da litere J.

Jurnale es in future jornale, pro ke vordes 'jorne' e 'jurnale' de novial es fro sami radike (in latinum). E krusifika mey es krosifika, por ke li vorde krose.

SH bli substitu da unione de literes CH e bli pronuntia kom SH in anglumen vorde "show" o CH in fransumen vorde "bouche".

Kasu akusative bli non plu usa, inkluset li prepositione em.

Li plurali genetiven sufixe -sen pove bli skripte -s'n, e tand on non deve pronuntia li "e" korektiman. Exemple: hundesen -> hundes'n.

Li sufixes -o e -a kom sexuali signifikationes on deve usa solim in pronomines, e in kelki substantives, kel signifika sexuali kreatures e kel on usa ofte, tali kom patro, matra, filio, filia, fratro, fratra, kusino e kusina. Generalim on pove usa atributali vordes "maskulini" e "feminini" tu refera a sexu. Exemples:

anglo -> maskulini angle  |  angla -> feminini angle
babuino -> maskulini babuine  |  babuina -> feminini babuine
kato -> maskulini kate  |  kata -> feminini kate
kliento -> maskulini kliente  |  klienta -> feminini kliente

spesiali kasus, exemples:

maskulini lama  |  feminini lama

Li neutre usat in struktures kom in vordes printatu e kopiatu o kopiatum deve solim bli usa in formes printatum e kopiatum, lum es kun sufixe -tum.

Kun adjektives in aktivi partisipali presente e pasivi partisipali de pasad tempe non bli usa li adjektivali sufixe -i. Litere -e remplasa lu. Exemples:

vivanti -> vivante
adit(i) -> adite

Samum aplika ordinarim a puri non-derivat adjektives. Exemple:

redi -> rede

E anke samum aplika omni sufixes, kel forma adjektives, ma non li sufixe -al. Exemples:

-an | urbani -> urbane
-ari | reglari -> reglare
-asi | laborasi -> laborase
-atri | blankatri -> blankatre
-bli | audibli -> audible
-endi | lektendi -> lektende
-indi | preferindi -> preferinde
-isi | grandisi -> grandise
-ivi | atraktivi -> atraktive
-osi | kurajosi -> kurajose

Aditionalim samum aplika a -isti. Exemple:

-isti | sosialisti -> sosialiste

Litere "I" in sekuenti koses non omni implika adjektive, ma samum aplika anke a disum:

-anti | duanti -> duante
-esmi | unesmi -> unesme
-opli | duopli -> duople

Kun vordes pri nationaleso on usa sufixe -ike insted -i. Exemple:

angli -> anglike

Adjektives kun disi sufixe pove have li suxixe de plurale. Exemple: anglikes.


Grandi chanjo de verbali sisteme, por exemple

Me ha latinifika kelki verbes. Lus nun have du radikes. E me ha anke fa kelki altri chanjos en verbes e altri vordes. Vu pove vida lus hir (longi pagine):

Latinifikatione de kelki verbes in novial (e altrum)

...Me voli aproxima vordaro a originali lingues.


E pokim plu

Non plus exista adjektivali forme de pronomines ti e disi. E in aditione, si lusen chefivorde es in plurale, tand li pronomine anke deve es in plurale. Exemples:

ti kate -> te kate
ti kates -> tes kates
disi hunde -> dise hunde
disi hundes -> dises hundes

Insted li sufixe -eso on pove usa sufixes -itate, -itude e -itie.

On deve normalim usa sufixe -(t)ore insted -ere. Kun kelki kasus, tali kom rodere, on darfa usa li sufixe -ere.

Ti vordes, kel implika instrumente, aparate o kelki non vivante e fina en li sufixe -(t)ore o -ere, ve have instedu li sufixe -ilo.

Li helpoverbe 'mey' bli skripte "mei". Anke li sufixe -foy bli skripte -foi.

In aditione me opine ke duopli konsonantes deve darfa exista omnitem kand lum es praktikalim nesesari. Exemples:

fini -> finni
interogative -> interrogative


Plu kose

Me ha nomisa disi men dialekte en hesperum. Let nus opine, ke hesperum es nur dialekte, non lingue, malgre ke disditem hesperum difera multim fro klasiki novial. Ma non plu kam norvegum difera fro suedum, keles es tre simili lingues a mutu.

E men elektriposteadrese es forme: tom punktu karna katekaude iki punktu fi. Abandona li punktus super li du literes A in adrese.

Vu pove lekte men kurti texte pri me self hir.

Aditionalim vu pove lekte men bloge, kel me skripte novialim, o hesperim, hir.




Tein tämän sivun vuonna 2016.
men elektriposteadrese:
© Tom Kärnä